رئيس مجلس الإدارة
مدحت بركات
رئيس التحرير
محمد توفيق
ads
ads
ads
شيماء الغيطي
شيماء الغيطي

ما انتاش نبى

الإثنين 06/مايو/2019 - 03:50 م
طباعة

مفتتح

افرد براحك على قد الوجع طواحين

قلبك برئ بيذل فيه بوحك

ماشى ف عروقك دم بنى آدميين

بس النبوه جزء من روحك

 ما انتاش نبى

علشان يدقوا ف قلب روحك

 مية وتد

ولا تنطفيش

أو يصلبوا  نفسك على قايم خشب

فتقول لروحك

وانت بتموت م الوجع

 يااااه دول بشر

مايهمنيش

 قلبك برئ

طهرك ده واصل

 بين ضميرهم

 واللى باقى من الغبا

سرسب سكاتك

 ياللى ميت سرسبه

 واسكت اوى

 عمرك فنا

وانت اللى يابن الإيه

هتتعشم ف إيه غير الغنا

 تسابيح

بتنسجها ف خيالك دندنه

 فتخبى دمعك

 وانت مصلوب ع الخشب

وتعد فاضل أد ايه

 بينك وبين كل البشر

 مية انتفاضه

 بتنتفضها من الألم

 قبل اما تتحنى

 بجروحك م الوجع

 كل اللى شال على كتفه حملك

كان نبى

لملم كلامه من الخطب

واما اتفلت من بين ايديه

اتبنى حلم برئ فى سره

ومات عليه

قلبى عليك

كل العيون

متعلقه

بالمشهد المكسور

اللوح الازاز

 تفاصيلك الباقيه

ولسه بتوجعك

 بتناجى روحك للممات

غربانهم السوده

 بتنتش كل حته ف جتتك

 من غير ماتنطق أو تبوح

توب الحقيقه هيلبسك

فى نهاية المشهد أكيد

ومفيش هروب

حتى النفس

راح تلفظه

 وكأنه ندر ودين عليك

يا أيها الميت على عروق الخشب

 ما انتاش ولى

 ولا حتى عمرك كنت حاجه

غير بشر

يا أيها الميت على حدود القدر

لحظة خلاص الروح فرح

لحظة خلاص الروح فرح

القاهرة الطقس
ads
بتوقيت القاهرة
الفجر
0.:38
الظهر
0.:38
العصر
0.:38
المغرب
0.:38
العشاء
0.:38