رئيس مجلس الإدارة
مدحت بركات
رئيس التحرير
محمد توفيق
ads
ads
ads
محمد جعفر
محمد جعفر

حمى الروح «شعــر»

الأحد 10/مارس/2019 - 02:11 م
طباعة
أحمل سلامي .. كلامي 
من تحت ضرس الرحى
ماشي ونصيبي صليبي ومعلق النياشين
كف الشاويش والسلسلة والعيش
أنا و جوعي..
أرسينا حكم الليالي و السفر و النار
على كل ظالم منتشي جبار
و قرينا حالنا في " شرور لازهار "
ماذا تقول ف القمر يا عمنا بودلير ؟!
و ما تقول ليلى في عبيد لاشعار ؟
و انا اللي زاهد ف الكلام و الفعل ؛
و انا اللي شاهد ع السلام بالإيد ؛
بين البريد و النصل ف الأخبار
بين التلاقي و الوداع ف الحضن
بين العقارب في ساعات لاعمار..
من " ليالي الوصل ف الأندلس "
إلى ليالي الهجر في طيبة 
مرت سنيني وأديني ؛ 
طل الربيع من قليبي 
رغم الخريف ف الجسد 
رغم الشتا ف الروح..
مازلت أسعى في رحال الغجر ؛ 
سموني " مالك " في عداد البشر 
أو بدر يمكن! في رحاب القمر 
فعشت أحمد في غمار الناس.
مازلت غافل عن بنات الإنس ؛ 
أعمى و أخرس في حضور الجنس 
أو قولي حافل بالغرام و الأنس ؛ 
لما تهلي يا غزال الطير..
باعزف آمالي في غنا المضطر
و البحر أصله للحيارى بر
يا عم شكلك صار يضحكني
يا عم شكلك خلى دمعي فر
يا عم شكلي ف الغنا خايب
لكني خاشع كالجبل و هخر..
يا عم فضفض بالكلام السهل
نفسي و لكن ما لشعري أهل
أو إني افضفض لا يليق بالكهل..
عداد عمر و غمازة ف قلبي
و كأني سجادة صلا 
لحد مرفوع عنه القلم
ثكنات عساكر ف وشي
دبابيس في حلقي ب تمنع المرغوب
و ترغب المرعوب فـ الخرس لاختياري..
رسموني أكحل العين و الليل
و ختم الشقا بين كتافي
مقبل على دنيا مقبلة ع المشيب
مدبرة عن زمام آمري و شعري المغيب 
أطلع برا أوضة القصيدة .. باستحي.
أنا جدع و تمام
عمري مزهزه زي أشلائي
شخص اجتماعي 
و صمتي ده صمت اللئيم
و بنام قرير العين و بحلم ليلاتي 
و بطلب التفسير..
بلعب سودوكو مش تربص بالملل
و ارقص على تسلم أيادي الجيش
فدائي و ماليش ف الكلام الكبير
غير مع الحلاق
و بتكلم عن الجو إذا نفد الكلام 
و اتقطع حبل أوصال السلام..
وجهي غلام و غرام 
ف دمي لاخضر المحمر
جلدي اصفراني للناظرين بيسر
أمسك تداعي دا الكلام بيشر
و كإني سالف سكري م المر..
قال المغني :
صابني العمى والصوت مخالفني
أقول: "ياعين" ازاي إن كنت مش شايف 
فيه شيء في قلبي كان مخوفني
ف ازاي هقول "ياليل" إن كنت خايف
أغمق من الليل ؛ ذنبي ال مكتفني 
أغني للورد كيف ؟! لحظة دبول الشفايف.

ads
ads
ads
القاهرة الطقس
ads
ads
ads
ads
بتوقيت القاهرة
الفجر
0.:38
الظهر
0.:38
العصر
0.:38
المغرب
0.:38
العشاء
0.:38