رئيس مجلس الإدارة
مدحت بركات
رئيس التحرير
محمد توفيق
ads
ads
ads
نهى بهمن
نهى بهمن

مكياج «شعـــر»

الخميس 31/يناير/2019 - 10:50 ص
طباعة

جملت وجهي في المراية كتير

مكياجي نوعه م الرديء جدا

لكنه قادر لسه يخفي السن

قادر يداري حفرتين في النن

بتفيض عيوني لما قلبي يئن

 أضحك تطل الشمس جوا الروح

قلبي فراش مجبر على لونه

الباب قصاده بس مش مفتوح

رايد يكون لون السما بالذات

استكتروا على قلبي بيرفرف

فرضوا تكون جنحاته م الكاروهات

فمشي على سطرين ما يشبههوش

مين اللي قال الدنيا بني آدمين

الدنيا دي مجانين بقلب وحوش

-من بعد حضن طويل جميل جدا

بتبصله وتقول «مابعرفهوش»

جملت وجهي وقلبي متكرمش

يا دنيا خايناني... ومابهتمش

قلبي فراش لو حتى متهمش

قادر يرفرف في السما ويطير

مكياجي مزيكا وكام ورقة

وبراح ف عز الضيقة والخنقة

يمشي اللي يمشي عادي مش فارقة

قلمي يفن يجن صوت دوشة

صحبة وونس في الجري والمشاوير

صوت ناي وشاي بحليب مع أصحابي

حواديت طويلة مملة ف كتابي

لون ضحكي لما بيبقى عنابي

يتقص لون الكحل في المونتاج

تغمز مرايتي  تضمني برقة

«والله أنتي أجمل بدون مكياج»

ads
القاهرة الطقس
ads
بتوقيت القاهرة
الفجر
0.:38
الظهر
0.:38
العصر
0.:38
المغرب
0.:38
العشاء
0.:38